-5: al timp si scurte simpri plui..
Cuintri un Chievo rivât a Udin cun le tranquilitât di une salvece plui che mertade –si scugne dî un gran ben de squadre di Maran, che in tal sô piçul cun organisazion á fât un campionât di qualitât-, le Udinese veve di fâ la partide, čhapále in man e cirî denant dai soi suportêrs tre pons fondamentai. Dút chest il tal mieç de poris e de polemichis pe esclusion di Di Natale, in une situazion che podeve partâ ogni robe ma no masse serenitât. L’è rivât un pontût, miser, ma alc al’è alc, e nuje l’è nuje. Tigninsi strêt chest pont, che al podarès jessi chêl che nus dará le salvece e le fin de sofferencis.
Parce che seromai la int e spiete dome la fin des sofferencis, che no čhatin pâs di masse timp, di qualchi an ormai. Une squadre che no gire, che se gire lu fâs par une o dos partidis e che no rive a čhatâ un equilibri in campo, in panchine (masse alenadors in tai ultims campionâts). Le svolte, le rivoluzion, se di rivulzions vìn voe di tabajâ, varà di jessi pensade par cheste estât, cumò si scugne pensâ dome a ches dos o tre vitoris par meti daur al fantasma de Serie B. Dal rest si podarà spandi peraulis cà di un mês e alc. Plui che des critichis o de rabie, plui che comprensibil, l'ambient al bisugne di jessi judât, a scomençâ de partide cuintri le Fiorentina.
Par tornâ a le partide cul Chievo: e are une partide di facile leture. Chievo che rivave a Udin cence pretesis di clasifiche, e che si sarès limitât a une partide ordenade e precise. L’Udinese varès vût di partasi čhase al risultât cun le fuarce, in te sigurece che al Chievo nol veve intenzion di fâ beneficenze. Ma le prestazion dai omps di De Canio no jè stade suficiente; no di scancelâ e di lassasi daur, ma al sarès coventât alc di plui par fâ chel benedet goal. Le squadre à corût, á creât ocasions, no si è tirade in daur. Ma le scosse no si è viodude, le zujade dal singul jè mančhade. O segnín veramentri pôc, e al’è cumó che i goi coventin plui di prime. Ches partidis da zero a zero che plui che al passe al timp plui si sâ che finarán cussì.
Jè une buine robe zujâ tre voltis in t’une stemane. No si lasse al timp di pensâ masse a risultâts, calcui di pons. Dome lâ in campo, cori e dâ plui di ce che si puès dâ: al 120% x 14 zujadôrs, come cul Napoli par capisi. E le partide cu le Fiorentina mi parte buinis sensazions. Sousa nol pués disponi de squadre spumeggiante dai prins mês dal campionât. Viarte une crepe e puès vignî jû dute le organisazion de squadre viola. Coventará intensitât....
Sarà le volte dall’Inter ca di une stemane. E dopo e rivaràn lis partidis decisivis ma che mi metin plui preocupazions. Probabilmentri cuintri Atalanta e Carpi si sarín za fâts une idee sul final dal film di chest campionât.